विवाहपछिको प्रेमका कारण एक महिलाले गरिन् तीन वर्षीया छोरीको हत्या

काठमाडौं । विवाहेत्तर सम्बन्धका कारण एक महिलाले आफ्नै तीन वर्षीय छोरीको हत्या गरेको घटना सार्वजनिक भएको छ । घटना हो, भारतस्थित बिहार राज्यको । यहाँ प्रहरीले हत्याको आरोपमा मृतक बालिकाकी आमा काजललाई पक्राउ गरेको छ ।

एउटा बन्द सुटकेसभित्र फेला परेको शव मनोजकुमार र काजलकी छोरीको भएको पत्ता लागेको थियो । मनोजकुमारसँग सोधपुछ गर्दा उनले काजलमाथि आफूलाई शंका लागेको बयान दिएका थिए । घटनापछि फरार रहेकी काजललाई प्रहरीले नियन्त्रणमा लिएको छ ।

प्रहरीका अनुसार काजल विगत एक वर्षदेखि रामपुरहारी थाना क्षेत्रका एक युवकसँग प्रेम सम्बन्धमा रहँदै आएको खुलासा भएको हो । काजल ती युवकसँग विवाह गर्न चाहन्थिन् । तर ती युवकले काजलकी छोरीलाई साथमा राख्न नचाहेका कारण छोरीको हत्या गरेर सुटकेशमा शव हालेर फालिदिएको खुलासा भएको हो ।