चीनको तिब्बतमा भीषण वर्षा: भोटेकोशी र सुनकोशी नदीमा बाढीको खतरा, सावधानी अपनाउन आग्रह

काठमाडौं । चीनको तब्बत क्षेत्रमा मंगलबारदेखि भीषण वर्षा भइरहेको छ । उक्त वर्षातका कारण सिन्धुपाल्चोकको भोटेकोशी र सुनकोशी नदीमा बाढी आउन थालेको छ ।

चीनको प्रहरी कार्यालयले वर्षात केही दिन निरन्तर रहने र त्यसकारण भोटेकोशी नदीमा भीषण बाढी आउनसक्ने जनाएको छ ।

चिनियाँ प्रहरी कार्यालयको सूचना र अनुरोधलाई उदृत गर्दै सिन्धुपाल्चोकको प्रहरी प्रशासनले नदीतटीय क्षेत्रका स्थानीयलाई सावधानी अपनाउन आग्रह गरेको छ ।

भोटेकोशी नदीमा आउने बाढीका कारण सिन्धुपाल्चोकमा वर्सेनि ठूलो जनधनको क्षति हुँदै आएको छ ।

भोटेकोकोशीमा बाढी आउँदा बाह्रविसे, लामोसाँघु, खाडिचौर, बलेफी र सुकुटेसँगै काभ्रको दोलालघाट आसपासको क्षेत्र जोखिममा पर्दछ ।