उज्यालो अभियानका नाममा कुलमान घिसिङले अध्याँरा कर्तुत गरेको आरोप, गुम्बा व्यवस्थापन समितिका अध्यक्षले अमेरिकाको घर खाइदिएपछि तनाव

काठमाडौं । अहिलेका ऊर्जामन्त्री एवम् उज्यालो अभियानका अभियन्ता भनिने कुलमान घिसिङलाई भ्रष्टाचार र अनियमिताका गम्भीर आरोप लागेका छन् । भाइहरुका विभिन्न कन्ट्रक्सन कम्पनीलाई ठेक्का मिलाएर अकुत कमाएको आरोप लागेका घिसिङ अहिले फेरि अर्को विवादमा मुछिएका छन् ।

पत्रकार प्रकाश तिमल्सिनाले कुलमानका अध्याँरा कथा भन्दै बेइमानीका शृङ्खला नै सार्वजनिक गरेका हुन् । पत्रकार तिमल्सिनाले सार्वजनिक गरेको सूचना अनुसार केही समयअघि उज्यालो अभियानका नाममा घिसिङ अमेरिका गएका थिए ।

तर, उनी त्यतिबेला घिसिङ उज्यालो अभियान नभइ अमेरिकामा भएको घरमा विवाद भएपछि विवाद मिलाउन गएको पत्रकार तिमल्सिनाको आरोप छ । उनका अनुसार गुम्बा व्यवस्थापन समितिका अध्यक्षले कुलमानको घरमा स्वमित्व दाबी गरेका थिए ।

त्यसपछि उनी त्यता गएका थिए । यतिसम्म कि, त्यहीं झगडाको प्रकरणमा कुलमानको २० करोड रुपैयाँ लुटिएको पनि पत्रकार तिमल्सिनाले दाबी गरेका छन् ।