नगरस्तरीय नृत्यमा गोल्डेन सुनगाभा प्रथम, जिल्लास्तरीय प्रतिस्पर्धामा छनोट

काठमाडौं । भक्तपुरको चाँगुनारायण नगरपालिका स्तरीय नृत्य प्रतियोगितमा दुवाकोटस्थित गोल्डेन सुनगाभा विद्यालय प्रथम भएको छ ।

चाँगुनारायण प्याब्सनले मंगलबार आयोजना गरेको प्रतियोगितामा गोल्डेन सुनगाभाबाट सहभागी भएका विद्यार्थी प्रथम भएका हुन् । प्रतियोगितामा मित्रश्री विद्यालय दोस्रो भएको थियो भने नविन स्कुलले तेस्रो स्थान हासिल गरेको थियो ।

नगरस्तरीय प्रतियोगिताबाट छनोट भएका विद्यालयले जिल्ला स्तरीय प्रतियोगितमा प्रतिस्पर्धा गर्न पाउनेछन् । जिल्ला स्तरीय प्रतियोगितामा भक्तपुरका चार नगरपालिकाबाट १६ वटा नृत्य समूहले प्रतिस्पर्धा गर्ने भक्तपुर प्याब्सनका नेता एवम् गोल्डेलन सुनगाभाका अध्यक्ष लिलानाथ निरौलाले जानकारी दिए ।

गोल्डेन सुनगाभा यस क्षेत्रकै अब्बल विद्यालयमा पर्छ ।