बेचन झासँग दोहोरो नागरिकता भएको पुष्टि

काठमाडौं । नक्कली भुटानी शरणार्थी प्रकरणका आरोपी बेचन झासँग दोहोरो नागरिकता भएको खुलेको छ । प्रहरीले उनीसँग नेपाल र भारतको नागरिकता भएको प्रमाण फेला पारेको हो ।

झासँग जिल्ला प्रशासन कार्यालय, पर्साबाट लिएको नागरिकता र भारतको बिहार राज्यस्थित मधुवनीबाट आधार कार्ड लिएको प्रमाण फेला पारेको हो ।

प्रहरीले भेटेको प्रमाणअनुसार झाले १४ चैत २०६३ मा घुम्ती टोलीमार्फत वीरगञ्जबाट जन्मको आधारमा नेपाली नागरिकता लिएका छन् । त्यस्तै उनी सन् २०२४ को लोकसभा चुनावमा भारतको बिहार राज्यको मधुवनी जिल्लास्थित बाबुबह्री–३४ निर्वाचन क्षेत्रको मतदाता रहेको प्रमाण पनि फेला परेको छ ।