काठमाडौं। काठमाडौको गोकर्णेश्वर– २ स्थित हिमशृङ्खला एकेडेमीको ३१ औं स्थापना दिवस भव्यरुपमा मनाइएको छ ।
नेपाल सँस्कृत विश्व विद्यालय दाङका प्राध्यापक माधव अधिकारीको प्रमुख आतिथ्यमा सम्पन्न उक्त कार्यक्रममा विध्यालयका संस्थापक अध्यक्ष दिपेन्द्र लामाले उपस्थित सम्पूर्णलाई शुभकामना मन्तव्य व्यक्त गरेका थिए ।
उक्त अवसरमा हिमशृङ्खला स्कुलका सस्थापक प्रधानाध्यापक नारायणभक्त श्रेष्ठले विध्यालयको स्थापनाकालदेखि हालसम्मका सम्पूर्ण गतिविधिहलार्इ डिजिटल माध्यमद्वारा प्रतिवेदन प्रस्तुत गरेका थिए ।
विध्यालय व्यवस्थापन समितिका अध्यक्ष प्रा.डा ऋषिराम पोखरेलको सभापतित्वमा सम्पन्न उक्त कार्यक्रममा स्कुलका पूर्वशिक्षकहरु रमेश प्रकाश ढुङ्गेल र अशोक रानामगरलाई सम्मानसमेत गरिएको थियो।
शिक्षासेवी अर्जुन दङ्गालले सन्चालन गरेको उक्त स्थापना दिवसमा सयौं अभिभावकहरुलार्इ विद्यालयका विद्यार्थीले विभिन्न साँस्कृतिक प्रस्तुतिहरुले मन्त्रमुग्ध पारेका थिए।
समाजका थुप्रै क्षेत्रका लब्ध प्रतिष्ठित व्यक्तिहरुको उल्लेख उपस्थिति रहेको उक्त कार्यक्रममा गोकर्णेश्वर नगरपालिकाकी उपमेयर सान्नानी लामालगायत थुप्रै वक्ताहरुले हिमशृङ्खला स्कुलको खुलेर प्रशंसा गरेका थिए।
