प्रहरीले अनुसन्धानका लागि माग्यो रवि लामिछानेको जग्गा विवरण र बैंक स्टेटमेन्ट

काठमाडौं । कास्की प्रहरीले सहकारी ठगी प्रकरणमा पक्राउ परेका रास्वपा सभापति एवम् पूर्वगृहमन्त्री रवि लामिछानेको जग्गा विवरण र बैंक स्टेटमेन्ट मगाएको छ ।

प्रहरीले सम्पत्ति शुद्धीकरणसम्बन्धी अनुसन्धानका लागि लामिछानेको जग्गा विवरण र बैंक स्टेटमेन्ट मगाएको हो । सम्पत्ति शुद्धीकरणको मुद्धामा मालपोत कार्यालयबाट विवरण मगाइएको र बैंक स्टेटमेन्ट ल्याएर विश्लेषण गर्नका लागि प्रहरीले थप समय मागेको हो ।

रविले पटक पटक दिएको बयान, संसदीय विशेष छानबिन समितिको प्रतिवेदन, पोखरा महानगर र प्रहरी आफैंले सूर्यदर्शन सहकारीमाथि तयार पारेको वित्तीय प्रतिवेदनको अध्ययन भने सकिएको बुझिएको छ ।