तत्कालका लागि फुट्नबाट जोगिने भयो कांग्रेस, पुसभित्रै नियमित महाधिवेशन गर्ने तयारी

काठमाडौं । तत्कालका लागि फुटको जोखिमबाट कांग्रेस उम्किएको छ । बुझिएअनुार पुसभित्रै नियमित महाधिवेशन गर्न नेताहरु सहमत भएसँगै कांग्रेस फुटबाट जोगिएको हो ।

कुनै पनि हालतमा चुनावअघि महाधिवेशन गर्न नहुने अडानमा रहेको संस्थापन पक्ष लचिलो बनेको छ भने पुसकै लागि महाधिवेशनको कार्यतालिका आउँदा इतर पक्ष पनि तयार हुने देखिएको हो ।

सभापति शेरबहादुर देउवा र कार्यवाहक सभापति पूर्णबहादुर खड्काकै सहमतिमा रमेश लेखकले मध्यमार्गी प्रस्तावको विकल्पमा काम गरेका थिए । लेखकले पुस मसान्तभित्रै महाधिवेशन गर्ने गरी प्रस्तावित कार्यतालिका समेत तयार पारेको बुझिएको छ ।