नवनियुक्त खेलकुदमन्त्री बब्लु पनि अमेरिकन युथ काउन्सिलकको सदस्य भएको खुल्यो, विवादित धर्मगुरुलाई जोगाएकोदेखि शोभा पाठकलाई अपहरण गरेकोसम्म आरोप

काठमाडौं । नवनियुक्त खेलकुदमन्त्री बब्लु गुप्ता पनि अमेरिकन युथ काउन्सिलको सदस्य भएको खुलेको छ । यसअघि मन्त्री भएकाहरु पनि काउन्सिलकै सदस्य भएको बताइन्छ ।

त्यस्तै मन्त्री गुप्तालाई विवादित धर्मगुरु विजय भण्डारीको पक्षमा लागेर उनलाई जोगाउन लागिपरेको र एमाले नेता महेश बस्नेतसँग मिलेर शोभा पाठकलाई अपहरण गरेको पनि आरोप लागेको छ । सिराहाको लाहान घर भएका मन्त्री गुप्ता परोपकारी संस्था ‘हन्ड्रेड्स ग्रुप’का संस्थापक हुन् ।

उक्त संस्थाले प्रयोगमा आइसकेका कपडाहरू संकलन गर्ने र असहाय, दिन–दुःखीहरूलाई वितरण गर्दै आएको छ । गुप्ताले यो अवधारण २०७६ सालदेखि सुरू गरेका हुन् । बाढी–पहिरोजन्य प्रकोप र विपत्तिमा परेकाहरूका लागि यो सेवा निकै प्रभावकारी बनेको थियो ।