संसद विघटनविरुद्ध संवैधानिक इजलासमा रिट दर्ताको माग गर्दै अधिवक्ता विमल पोखरेलले दिएन निवेदन

काठमाडौं । सर्वोच्च अदालतको संवैधानिक इजलासमा संसद विघटनसम्बन्धी रिट दर्ता गर्न माग गर्दै मुख्य रजिष्ट्रारसमक्ष निवेदन पेश भएको छ । अधिवक्ता विमल पोखरेलले सर्वोच्चका मुख्य रजिष्ट्रार विमल पौडेललाई भेटेर निवेदन पेश गरेका हुन् ।

अधिवक्ता पोखरेलले निवेदनमा देशमा जस्तोसुकै कठिन र जटिल राजनीतिक संकट आए पनि त्यसको समाधान खोज्ने एकमात्र संस्था जननिर्वाचित प्रतिनिधिसभा हो भन्ने विषय जनआन्दोलनको इतिहास र सर्वोच्च अदालतको व्याख्याले पुष्टि गरिसकेको उल्लेख गरेका छन् ।

निवेदक पोखरेलले सर्वोच्चले छिटो रिट निवेदन दर्ता गर्ने र सुनुवाइ प्रक्रिया अगाडि बढ्ने विश्वास पनि व्यक्त गरेका छन् ।