विवादै विवादको घेरामा प्रस्तावित प्रधानमन्त्री शुशीला कार्की, संसद विघटन गर्ने कि नगर्ने भन्नेमा अन्योल

काठमाडौं । जेन जीले अन्तरिक सरकारको प्रधानमन्त्रीका लागि सिफारिस गरेकी पूर्वप्रधानन्यायाधीश अनेक विवादमा मुछिएकी छिन् । जेन जीले प्रधानमन्त्रीमा सिफारिस गर्ने भन्ने हल्ला बाहिरिनेवित्तिकै कार्कीले एक भारतीय सञ्चारमाध्यममा दिएको अन्तरवार्ताले अहिले धेरैको ध्यान खिचेको छ ।

आफू भारतकी चेली भएको र भारतप्रति सदा बफादार हुने आशयको अन्तरवार्ता दिएपछि उनी विवादमा तानिएकी हुन् । यससँगै उनलाई पूर्वकांग्रेसी, वयोवृद्ध र यसअघि कांग्रेसको सिफारिसमा मनलाग्दी ८० जना न्यायाधीश नियुक्ति गरेको पनि अभियोग छ ।

यतिसम्म कि, उनले यसअघि पूर्वप्रधानन्यायाधीश खिलराज रेग्मीलाई तत्कालीन समयमा चुनावी सरकारको प्रमुख बनाउने बेला पनि फरक मत राखेकी थिइन् । यसरी चारैतिर विवादमा मुछिएकी कार्कीलाई प्रधानमन्त्री बनाउन लागेको भन्दै आलोचना भइरहेको छ ।

त्यससँगै अहिलेको संसद विघटन गरेर अन्तरिम सरकार बनाउने कि संसद जोगाएर बनाउने भन्नेमा पनि अन्योल देखिएको छ ।