एलिना चौहानको चोटले भरिएको अनुहारको तस्विरमाथि उब्जियो शंका 

काठमाडौं । गायिका एलिना चौहानले सामाजिक सञ्जालमा सार्वजनिक गरेको चोटयुक्त तस्वीरमाथि शंका उब्जिएको छ ।

दुई दिनअघि एलिनाका पूर्व श्रीमान् विष्णु सापकोटाले अब आफू चूप लागेर नबस्ने भन्दै एउटा लामो स्टाटस लेखे, त्यसपछि एलिनाले चौटैचोटसहितको एउटा तस्वीर सार्वजनिक गरिन् ।

‘अझै चाहिन्छ प्रुफ ?’ भन्दै उनले सार्वजनिक गरेको उक्त तस्वीर विवादमा तानिएको हो । कतिपयले उक्त तस्वीर जुकाले टोकाएर थेरापी गर्ने बेलाको भन्दै टिप्पणी गरिरहेका छन् ।

एलिनाले केहि अगाडि आफ्नो अनुहारमा जुकाले टोकाएर एउटा थेरापी गरेको भिडियो सार्वजनिक भएको थियो ।