चाँगुनारायण- २ का एमाले अध्यक्षले ल्याए गाउँमा निःशुल्क शववाहन सेवा

काठमाडौं । भक्तपुरको चाँगुनारायण नगरपालिका– २  का एमाले अध्यक्ष मनोज केसीले आफ्नो वडाबासीका लागि आवश्यक पर्दा निःशुल्क प्रयोग गर्न मिल्नेगरी शववाहन सेवा ल्याएका छन् ।

एमाले अध्यक्ष केसीले समता सचेतना समाजसँग दोहोरो सम्झौता गरी शववाहन ल्याएका हुन् । सम्झौतामा चाँगुनारायण– २ को जुनकुनै स्थानमा शव लैजाँदा लाग्ने खर्च नेकपा एमाले वडा कमिटीले व्यहोर्ने उल्लेख छ ।

गाउँमा निशुल्क शववाहन उपयोग गर्न पाउने भएपछि स्थानीय खुसी भएका छन् । ‘बाँच्दा वृद्धभत्ता र मरेपछि पनि एमालेले नै शववाहन दिने भएछ’, एक स्थानीयले भने, ‘एमाले वडाअध्यक्ष मनोज केसीले गाउँलेको हितमा गरेको कामबाट हामी खुसीछौं ।’