रास्वपासँग कुरा नमिलेपछि नयाँ दल दर्ता गर्दै कुलमान, बालेनले पनि समर्थन गर्ने

काठमाडौं । बालेनको समर्थनमा कुलमान घिसिङक नयाँ पार्टी खोल्ने निश्चित भएको छ । बालेन र कुलमान पनि रास्वपामै मिसिएर अघि बढ्ने विषयमा पटक–पटक छलफल भए पनि कुरा नमिलेपछि कुलमानले नयाँ खोल्न लागेका हुन् ।

ऊर्जामन्त्रीसमेत रहेका कुलमानले काठमाडौं महानगरका मेयर बालेन साहको समर्थनमा नयाँ पार्टी खोल्न लागेका हुन् । कुलमानले खोल्ने नयाँ पार्टीमा रास्वपा छाडेकी सुमना श्रेष्ठ, मुकुल ढकाल, रास्वपा छाड्न लागेकी तोसिमा कार्की, सागर ढकाल र सुधन गुरुङ पनि समेटिनेछन् ।

उनीहरुबीच चुनाव चिह्नका विषयमा समेत सहमति भइसकेको बताइएको छ । कुलमानको दललाई निश्चल बस्नेत मर्काका कलाकारको पनि समर्थन रहने बुझिएको छ ।