बस्ती-बस्तीमा पराजुली, सिन्धुबासीमा खुसीयाली

सिन्धुपाल्चोक । रास्वपा सिन्धुपाल्चोक क्षेत्र नम्बर १ का उम्मेदवार भरत प्रसाद पराजुली अहिले गाउँबस्तीमा व्यस्त छन् । मत माग्दै घरदैलो पुगिरहेका पराजुली गाउँको चुनावी माहोल देखेर मख्ख परिरहेका छन् भने उम्मेदवारका रुपमा पराजुलीलाई पाएपछि गाउँबासी पनि खुसी भएका छन् ।

घरदैलाका क्रममा आफ्नै गृहपालिका बलेफीका बस्ती घुमिरहेका पराजुलीलाई स्थानीयले मत दिने प्रतिबद्धता व्यक्त गरिरहेका छन् । आइतबार बलेफीको वडा नम्बर ७ र ८ पुगेका पराजुलीलाई त्यस क्षेत्रका स्थानीयले भव्य स्वागत गरेका थिए ।

मत माग्न आएका पराजुलीसँग स्थानीयले सडक पूर्वाधारको विकास मागेका छन् ।

वडा नम्बर ७ को चिम्लिङबेशी, पुरानागाउ, चिम्लिङ, पहरिगाउँ र टोप्काका प्रत्येक घरधुरिमा पुगेर पराजुलीले त्यसको क्षेत्रको विकासमा आफूले सक्दो योगदान गर्ने प्रतिबद्धता पनि व्यक्त गरेका छन् ।