५ म्यानमारमा फसेका ४७ को उद्धार, बुधबार नेपाल फर्काइयो

काठमाडौं । लामो समयदेखि म्यानमारमा फसेका ४७ जना नेपालीको उद्धार गरिएको छ । २ जना महिला र ४५ जना पुरुषलाई बुधबार नेपाल ल्याइएको हो । थाइल्यान्डस्थित नेपाली दूतावासले विभिन्न निकायसँगको समन्वय र सहकार्यमा उनीहरूलाई नेपाल फिर्ता गरिएको जानएको छ ।

नेपालबाट राम्रो काम र तलब पाइने प्रलोभनमा उनीहरूलाई म्यानमार र्पुयाइएको थियो। विभिन्न प्रलोभनमा परी म्यानमारका अवैध अनलाइन ‘स्क्यामिङ’ केन्द्रहरूमा बन्धक बनाइएको अवस्थामा उनीहरूलाई राखिएको थियो।

थाइल्यान्डस्थित नेपाली दूतावासले थाइल्यान्डका सम्बन्धित निकायहरूसँगको समन्वय र सहयोगमा उनीहरूलाई उद्धार गरी बुधबार नेपाल फर्काएको हो । उद्धार गरिएका नेपालीहरूलाई नेपाल वायुसेवा निगमको विमान मार्फत काठमाडौं ल्याइएको थियो ।