सर्वोच्च अदालतले पनि जेन जी आन्दोलनमा भएको आगजनी र लुटपाटविरुद्ध प्रहरीमा उजुरी दिने, एक अर्ब २१ करोड मूल्य बराबर क्षति भएको ठहर

काठमाडौं । सर्वोच्च अदालतले जेन–जी आन्दोलनमा भएको आगजनी, तोडफोड र लुटपाटविरुद्ध प्रहरीमा जाहेरी दिने भएको छ । सर्वोच्चले दुई दिनभित्रै प्रहरी कार्यालय जाने जनाएको छ ।

सँगै मातहतका अन्य अदालतले पनि आगजनीविरुद्ध सम्बन्धित जिल्ला प्रहरी कार्यालयमा उजुरी दिनेछन् । गत २४ भदौको आगजनी र तोडफोडपछि सर्वोच्च अदालतमा क्षति भएको छ ।

यसक्रममा सर्वोच्चका भवन, सवारीसाधन, जिन्सी जलेर नष्ट भएका छन् । सबै गरी एक अर्ब २१ करोड २१ लाख ९१ हजार ५१ रुपैयाँबराबरको सम्पत्ति नष्ट भएको सर्वोच्चको भनाइ छ ।