फेसबुकमा प्रधानमन्त्रीको आलोचना गरेकै आरोपमा मंगलसिंह पक्राउ

काठमाडौं । सामाजिक सञ्जाल फेसबुकमार्फत प्रधानमन्त्री केपी शर्मा ओलीको आलोचना गरेको आरोपमा सामाजिक अभियन्ता एवं माओवादी कार्यकर्ता मंगलसिह प्रजा पक्राउ परेका छन् ।

प्रजालाई प्रहरीको साइबर ब्युरोे टोलीले काठमाडौंको शंखमुलबाट पक्राउ गरेको हो । सामाजिक सञ्जालमा व्यक्ति तथा संस्था लक्षित गरी अमर्यादित अभिव्यक्ति दिएको अभियोगमा उनलाई पक्राउ गरिएको हो ।

अनुसन्धानका क्रममा प्रजाले सामाजिक सञ्जालमार्फत घृणा तथा द्वेष फैलाई चरित्र हत्या गर्ने लगायत गतिविधि गरेको पाइएकाले पक्राउ गरी विद्युतीय कारोबार ऐन–२०६३ को कसुरमा कारबाही अघि बढाइएको छ ।

प्रजाले प्रधानमन्त्री केपी ओलीले भ्रष्टाचारीको संरक्षण गरेको, बिचौैलियाको स्वार्थमा काम गरेको सरकार एकपछि अर्को भष्टाचारमा मुछिएको जस्ता विषयमा सञ्जालमा लेख्दै आएका थिए ।