झनपछि झन पातलिँदै एमालेभित्रको विद्या समूह, विकल्प खोज्दै कार्यकर्ता

काठमाडौं । एमालेभित्रको विद्या भण्डारी समूह झनपछि झन कमजोर बन्दै गएको छ । भण्डारी राजनीतिमा सक्रिय हुने तयारी गरिरहँदा धेरैभन्दा धेरै नेता कार्यकर्ता उनको पक्षमा भएको भनिएको थियो ।

तर पदाधिकारी, सविचवालय, पोलिट्ब्युरो र केन्द्रीय कमिटी बैठकपछि भण्डारीको लाइनमा क्रमशः कम नेताहरुको समर्थन देखिएको थियो । अझ पछिल्लो समय शेरधन राईसम्मले विद्याको साथ छाडेपछि उक्त समूहमा नेताकै हाहाकार पर्ने देखिएको छ ।