कुलमानलाई प्राधिकरणबाट हटाउँदै सरकार

काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले हटाउने भएको छ ।

स्रोतका अनुसार बिहीबारको मन्त्रिपरिषद् बैठकले कुलमान हटाउन लागिएको हो । घिसिङलाई कार्यकारी निर्देशकबाट हटाएर कुनै निकायको विज्ञका रुपमा पदस्थापन गरिनेछ ।

घिसिङलाई सरकारले पटक पटक प्रष्टीकरण सोध्दै आएको छ । यसअघि २०७८ साउन २५ गते तत्कालीन शेरबहादुर देउवा नेतृत्वको सरकारले तत्कालीन कार्यकारी निर्देशक हितेन्द्र शाक्यलाई ऊर्जा आयोगको विज्ञ बनाएर प्राधिकरणबाट बिदा गरेको थियो ।