भैंसेपाटीकी इन्स्पेक्टरको जिम्मेवारी खोसियो

काठमाडौं । ललितपुरस्थित प्रहरी प्रभाग भैंसेपाटीमा कार्यरत इन्स्पेक्टर विनु शाहीको जिम्मेवारी खोसिएको छ । बलात्कार सम्बन्धी मुद्दामा फसाइदिने भन्दै एक जना व्यक्तिसँग लेनदेन गरेको आरोप लागेपछि उनलाई जिम्मेवारीबाट फिर्ता बोलाउने निर्णय भएको उपत्यका प्रहरी कार्यालयले जनाएको छ ।

आर्थिक अपचलन गरेको आरोपमा जिल्ला प्रहरी परिसर ललितपुरले उनीमाथि अनुसन्धान सुरु गरेको छ । बलात्कार घटनालाई हनिट्रयापमा रूपान्तरण गरेर उनले आर्थिक फाइदा लिएको र त्यो रकम आफन्तको नाममा रहेको खातामा हाल्न लगाएको आरोप छ ।