ममता काफ्ले जिउँदै हुनसक्ने सम्भावना कति ?

काठमाडौं । अमेरिकामा आफ्नै श्रीमानबाट हत्या गरिएकी भनिएकी ममता काफ्ले जिउँदै रहेको चर्चा हुन थालेको छ । अहिले बेपत्ता रहेकी ममता काफ्लेका श्रीमान् नरेश काफ्लेका वकिलले अदालतमा ममता जीवितै रहेको दाबी पेश गरेपछि यो चर्चाले बजार पाएको हो ।

यसअघि श्रीमतीको शव लुकाएको आरोपमा नरेशलाई पक्राउ गरिएको थियो । नरेशका वकिल बेन अब्राहमले भने ममता अपरिचित महिलासँग घरबाट निस्केर गएको दाबी गरेका छन् । यसैबीच, फरेन्सिक जाँच गरेपछि भदौ ७ गते नरेश घरबाट पक्राउ परेका थिए ।

प्रहरीले उनको घरबाट कार्पेटमा रगतको टाटा देखिएको भन्दै ममता जीवित नरहेको जनाउँदै आएको थियो । नरेशविरुद्ध अहिले शरीर बन्धक बनाएको मुद्दा चलिरहेको छ ।