सर्वोच्चको आदेशपछि धरौटीमा छुटे नयाँदिल्लीका मुख्यमन्त्री केजरीवाल

काठमाडौं । भारतको सर्वोच्च अदालतको आदेशपछि नयाँदिल्लीका मुख्यमन्त्री अरविन्द केजरीवाल १० लाख धरौटीमा रिहा भएका छन् ।

न्यायाधीश सूर्यकान्त र उज्जल भुयनले इजलासले केजरीवाललाई १० लाख धरौटीमा रिहा गर्न आदेश दिएको हो । केजरीवाल मदिरा नीतिमा भ्रष्टाचार गरेको आरोपमा पक्राउ परेका थिए ।

यसअघि केजरीवालले सीबीआईमा दुईवटा निवेदन दिएका थिए । एउटा निवेदन धरौटीमा रिहा गर्न नमानेको विरोधमा र अर्को निवेदन सीबीआईले आफूलाई पक्राउ गरेको विरोधमा थियो ।

तर सर्वोच्चले सीबीआईले गरेको केजरीवालको गिरफ्तारी कानुनसम्मत भएको ठहर गरेको थियो ।