सरकारी कर्मचारीलाई कार्यालयभित्र सेयर कारोबार गर्न प्रतिबन्ध

काठमाडौं । सरकारले सरकारी कर्मचारीलाई कार्यालय समयमा कार्यालयभित्रबाट सेयर कारोबार गर्न प्रतिबन्ध लगाउने भएको छ ।

सरकारी कर्मचारीलाई कार्यालय समयमा कार्यालयभित्रैबाट सेयर कारोबार गर्न रोक लगाउन अख्तियार दुरूपयोग अनुसन्धान आयोगले मन्त्रिपरिषद् तथा प्रधानमन्त्रीको कार्यालयमा पत्रसमेत पठाइसकेको छ ।

अख्तियारको पत्रमा कार्यालयमा बसेर सेयर कारोबार गर्ने कर्मचारीमाथि आवश्यक कारबाही गर्न पनि भनिएको छ । पत्र प्राप्त भएपछि सरकारले कार्यालय समयमा कार्यालयबाट सेयर कारोबार गर्न रोक लगाउने विषयमा अध्ययन प्रक्रिया अघि बढाएको छ ।