इलाममा खोलाले जिप बगायो, दुई जनाको मृत्यु

काठमाडौं । इलामको रतुवा खोलाले जिप बगाउँदा दुई जनाको मृत्यु भएको छ ।

इलामको माङ्सेबुङ गाउँपालिका–५ लारुम्बाबाट झापाको दमकतर्फ जाँदै गरेको जिप इलामको चुलाचुली गाउँपालिका–५ स्थित रतुवा खोलाले बगाएको हो ।

प्रहरीका अनुसार मृतकको शव मदनभण्डारी राजमार्गअन्तर्गत चुलाचुली गाउँपालिका र झापाको बेलडाँगी छेउ रतुवा पुलमा फेला परेको हो । उनीहरु दुवै जनाको सनाखत हुन सकेको छैन ।

मृतकमा एक शिशु र एक महिला रहेका छन् ।