Techie IT
Monday, February 10, 2025 | सोमबार, माघ २८, २०८१
२०८१ माघ २८, सोमबार
swarnapatra logo
गृहपृष्ठसमाचारपत्रयी हुन् गृहमन्त्री लामिछानेका तीन ‘ब्याकफायर’

यी हुन् गृहमन्त्री लामिछानेका तीन ‘ब्याकफायर’


काठमाडौं । गृहमन्त्री रवि लामिछानेले तीन महिनामा तीनवट फायर खोले । तर दुर्भाग्य– उनका तीन फायर आत्मघाती बन्न पुगे ।

के–के न गर्लान् भन्ठानेका रविले गृहमन्त्री हुनेबित्तिकै सरकारको नेतृत्व गरिरहेको दल नेकपा माओवादी केन्द्रका नेता कृष्णबहादुर महराविरुद्ध फायर खोले । अर्थात् सुन तस्करी छानबिन आयोगले दिएको प्रतिवेदनअनुसार महरालाई उनले पक्रन लगाए । भारत भारत भाग्न लागेका महरालाई चैत ५ गते प्रहरीले ५ कपिलवस्तुबाट पक्राउ गर्यो ।

महरा पक्राउ पर्नुलाई कतिपयले ‘गृहमन्त्रीको टेलर’ मात्रै भएको र मूल फिल्म खतरनाक हुने आकलन गरेका थिए । तर परिणाम उल्टो आइदियो– गृहमन्त्री लामिछानेले दबाब थेग्न सकेनन् वा के भयो– गिरफ्तारीलगत्तै अस्पताल भर्ना भएका महरा ४ दिनपछि हाजिर जमानीमा छुटे ।

त्यसैताका गृहमन्त्री लामिछानेले बाँसबारी जग्गा हिनामिना प्रकरणमा उद्योगी एवं कांग्रेस सांसद विनोद चौधरीविरुद्ध फायर खोले । अर्थात् जग्गा हिनामिना प्रकरणमा सीआईबीले चौधरीसँग बयान लियो र क्लिन चिट दियो । चौधरीलाई बयान लिएर ‘वाहीवाही’ पाएका गृहमन्त्रीले उल्टै क्लिनचिट दिएको बुझेपछि आमनागरिकमा निराशा बढेको छ ।

त्यस्तै उनले खालेको तेस्रो र सबैभन्दा हानिकारक फायर हो– कान्तिपुर मिडिया ग्रुपका अध्यक्ष कैलाश सिरोहियाविरुद्धको । धनुषाका एक स्थानीयसँगै नागरिकता नम्बर मिलेको अभियोगमा पक्राउ परेका सिरोहिया पनि कसुर प्रमाणित नभएपछि हाजिरी जमानीमा छुटे । विगतमा आफ्नो दोहोरो नागरिकताबारे लगातार समाचार लेखेको र पछिल्लो समय सहकारी घोटलाबारे निरन्तर फलोअप गरिरहेका कारण गृहमन्त्री लामिछानेले सिरोहियालाई निसानामा पारेका थिए । तर, उल्टै सिरोहिया निर्दोष प्रमाणित भएपछि रविविरुद्ध ‘ब्याकफायर’ भएको छ ।

स्मरणीय छ कि, रविले नागरिकतामा बेइमानी गरेको प्रमाणित भएपछि फेरि नागरिकता बनाएका थिए र पक्राउ गर्नुअघि सिरोहिया नेपाली नै नभएको, फरक–फरक नागरिकता भएको, नागरिकतामा हस्ताक्षर र मिति नै नभएकोजस्ता हल्ला चलाइएको थियो । जसलाई धेरैले पत्याएका थिए ।

यसरी उच्च आश गरेका गृहमन्त्री लामिछानेले प्रतिशोध र आवेगका कारण फितला कदम चाल्दा नागरिकमा निराशा बढेको छ । विगतमा ठूल्ठूला भ्रष्टाचारका फाइल खोलेर देशमा सुशासनको बहार ल्याउने उद्घोष गरेका गृहमन्त्री लामिछानेका पछिल्ला गतिविधि पट्यारलाग्दा छन् । रै त पनि मान्छेहरु अझै उनीसँग आश गर्न अभिषप्त छन् ।






तपाईंको प्रतिक्रिया दिनुहोस्


थप समाचार

घरविहीन पुण्यबहादुरको छानो बन्यो बाह्रविसे एमाले, नेता निमफुन्जो शेर्पाले गरे…

सिन्धुपाल्चाेक । बाह्रविसे– ७ घुम्थाङका पुण्यबहादुर गुरुङले करिब एक दशक त्रिपालमुनि रात कटाए । बृद्ध वयका गुरुङ दम्पतीले भदौरे भेलसँगै

खोटाङबाट काठमाडौं आउँदै गरेको गाडी दुर्घटना, आमा–छोरासहित तीन जनाको मृत्यु

काठमाडौं । खोटाङबाट बिरामी बोकर काठमाडौं आउँदै गरेको गाडी दुर्घटना हुँदा तीन जनाको मृत्यु भएको छ । ज्यान गुमाउनेमा खोटाङका

भोटेकोशी एमालेको जिम्मा सुन्तलीको काँधमा, को-को आए टीममा ?

सिन्धुपाल्चोक । नेकपा एमाले भोटेकोशी गाउँपालिका नेतृत्वको जिम्मा सुन्तलीमाया श्रेष्ठको काँधमा आएको छ । हालै सम्पन्न गाउँ अधिवेशनले सुन्तलीको अध्यक्षतामा

विद्यालयस्तरीय क्रिकेट लिगका लागि हेलम्बु गाउँपालिका र क्रिकेट संघ सिन्धुपाल्चोकबीच…

सिन्धुपाल्चोक । सिन्धुपाल्चोक क्रिकेट संघले विद्यालय स्तरीय क्रिकेटको विकास र प्रवर्द्धनको लागि ऐतिहासिक पहल गर्दै जिल्लामा पहिलो पटक विद्यालय स्तरीय

चिनियाँ एआई डिपसिकले ल्यायो तरंग, सिलिकन भ्याली स्तब्ध

काठमाडौं । चीनको नयाँ एआई मोडेलले विश्वव्यापी एआई बजारमा हलचल मच्चाएको छ । ‘डिपसिक’ नामक यो मोडेलले च्याटजीपीटी, गुगल जेमिनाई

आप्रवासीलाई फिर्ता पठाउने मुद्दामा ट्रम्पले किन दिए कोलम्बियालाई चेतावनी ?

काठमाडौं । अमेरिकी राष्ट्रपति डोनाल्ड ट्रम्पले आप्रवासीहरूलाई फिर्ता पठाउने विषयमा कोलम्बियाका नेताहरूलाई चेतावनी दिएका छन् । कोलम्बिया सरकारले निर्वासित आप्रवासीहरूले

Techie IT