बालेनलाई प्रधानमन्त्री बनाउनेबारे डिपी अर्याल अनभीज्ञ

काठमाडौं । रास्वपा उपसभापति डिपी अर्यालले पार्टीका वरिष्ठ नेता बालेन शाहलाई प्रधानमन्त्री बनाउनका लागि भएको सहमतिबारे आफूलाई थाहा नभएको बताएका छन् । काठमाडौं– ९ बाट चुनाव जितेपछि सञ्चारकर्मीसँग प्रतिक्रिया दिने क्रममा अर्यालले यस्तो बताएका हुन् ।

पत्रकारले ‘अब बालेन प्रधानमन्त्री बन्छन् हो ?’ भनेर सोधेको प्रश्नमा उनले भनेका छन्, ‘खै त्यस्तो सहमति भएको त थाहा छैन । यदि सहमति भएको रहेछ भने जे सहमति भएको छ त्यो कार्यान्वयन हुन्छ ।’ अर्यालको यो कुराले बालेनलाई प्रधानमन्त्री बनाउने कुरामा रास्वपाभित्र आन्तरिक सहमति भइनसकेको संकेत गर्छ ।