काठमाडौं । मधेस प्रदेशमा सरकार गठनको विषयमा रमिता भएको छ । यतिसम्म कि, मुख्यमन्त्रीले रातारात होटलमा पुगेर नवनियुक्त मुख्यमन्त्रीलाई सपथ गराएकी छन् । र, त्यसको विरोधमा विपक्षीहरुले मुख्यमन्त्री कार्यालयमा तोडफोड गरेका छन् ।
यससँगै विपक्षी दलहरु अदालत जाने तयारीमा जुटिरहेका छन् । हो, मधेश प्रदेशको मुख्यमन्त्रीमा नेकपा (एमाले) संसदीय दलका नेता सरोजकुमार यादवको नियुक्तिसँगै मधेश प्रदेशको सत्ता राजनीति निकै गर्माएको छ । अब मधेशमा एमाले भर्सेस मधेश केन्द्रित दलहरूको गठबन्धनबीच रस्साकस्सी चल्ने देखिएको छ ।
यसमा कांग्रेसको भूमिका के हुन्छ रु भन्ने पनि चासोको विषय बनेको थियो । यसअघि सत्ता साझेदारीमा एमालेसँगै रहेको कांग्रेस हिजो साँझ भने मधेश केन्द्रित दलहरूको गठबन्धनमा पुगेको थियो । मुख्यमन्त्रीले एमालेका यादवले ठूलो दलको हिसाबमा मुख्यमन्त्री नियुक्त गरेकी हुन् । मधेसमा एमालेको कुल २९ सिट रहेको छ ।
सरकारलाई बहुमत पुर्याउन ५४ सिट चाहिन्छ । त्यसैले, कांग्रेससहित साना दलको साथ एमालेलाई अपरिहार्य छ । त्यसैले एमालेसँग कांग्रेस पनि बिच्किएको अहिलेकै अवस्थामा यादवले विश्वासको मत पाउने सम्भावना छैन ।
त्यसपछि के हुन्छ रु अहिले नै भन्न सकिने अवस्था छैन । मधेश प्रदेशमा पहिलोपटक एमाले संसदीय दलको नेता मुख्यमन्त्री नियुक्त भएका हुन् । ०७४ को चुनावपछि मधेश प्रदेशमा कांग्रेस र एमाले सत्ता नेतृत्वमा पुग्न सकेका थिएनन् ।
