ठूला उद्योगमा बिजुली काटेसँगै खेर गयो ३ सय मेगावाट बिजुली

काठमाडौं । सरकारले ठूला उद्योगमा बिजुलीको लाइन काटेसँगै करिब तीन सय मेगावाट बिजुली खेर गइरहेको ऊर्जा उत्पादकहरूले जनाएका छन् । वर्षायाममा समेत बिजुली खेर गइरहेको र दसैं–तिहारमा उद्योग बन्द भएर माग कम भइदिँदा बिजुली खेर जाने अवस्था बनेको उनीहरुले बताएका छन् ।

यस वर्षको तिहारको छेकोमा प्राधिकरणले २५ उद्योगको बिजुली काटेपछि थप विद्युत् खेर गएको हो । उद्योग बन्द हुँदा देशका ४० हजारभन्दा बढी मजदुरको परिवार बिचल्लीमा परेको छ भने राज्यलाई दैनिकै करोडौं रुपैयाँ राजस्व घाटा भएको छ ।