उत्कर्षमा पुग्यो कांग्रेसभित्रको किचलो, चुनावअघि नै महाधिवेशन गर्नुपर्नेमा इतर पक्ष

काठमाडौं । महाधिवेशनको विषयले कांग्रेस भित्रको किचलो उत्कर्षमा पुगेको छ । खासगरी चुनावअघि नै अधिवेशन गर्ने कि चुनावपछि बन्नेमा नेताहरुको मत बाझिएको हो । कांग्रेसको केन्द्रीय समिति बैठकमा संस्थापन पक्षधर नेताहरूले फागुन २१ को चुनावपछि पार्टी महाधिवेशन गर्नुपर्ने धारणा राखेका हुन् ।

तर इतर पक्षले मंसिरमा नियमित नभए चुनावअघि विशेष महाधिवेशन गर्नुपर्नेमा जोड दिएको छन् । बिहीबारदेखि पुनः सुरु केन्द्रीय समिति बैठकमा महाधिवेशनबारे संस्थापन र इतर पक्षका नेताहरूले फरकफरक मत राखेका हुन्।

महाधिवेशनको  विषयमा समान धारणा र सहमति बन्न नसक्दा कार्यवाहक सभापति पूर्णबहादुर खड्कालाई महाधिवेशनको तालिका पेस गर्न नै सकस भइरहेको छ।