ओमप्रकाश अर्यालको प्रष्टीकरणः मलाई बालेनले गृहमन्त्री बनाएका नै होइनन्, त्यसैले उनीप्रति बफादार हुनुपर्ने कारण छैन

काठमाडौं । गृहमन्त्री ओमप्रकाश अर्यालले आफूलाई काठमाडौंका मेयर बालेन साहले गृहमन्त्री नबनाएको प्रष्टीकरण दिएका छन् । एक अन्तरवार्तामा उनले आफूलाई बालेनले गृहमन्त्री बनाएको नभएकाले उनीप्रति बफादार हुन आवश्यक नभएको बताएका हुन् ।

उनले आफूलाई गृहमन्त्री बनाउनुमा प्रधानमन्त्री सुशीला कार्कीबाहेक कसैको भूमिका नरहेको पनि बताएका छन् । सामाजिक सञ्जालमा अफवाह फैलिएपछि प्रधानमन्त्रीको सचिवालयले विज्ञप्ति जारी गर्नुपरेको र अन्य सबै समाचार मिथ्या भएको पनि उनको भनाइ छ ।

अर्यालले आफ्नो मुख्य जिम्मेवारी शान्तिसुरक्षा, सुशासन र कानुनी राज्यको अनुभूति दिलाउनु भएकोमा जोड दिएका छन् ।