महाधिवेशनको तयारीमा जुट्यो एमाले, प्रतिनिधि घटाउने तयारी

काठमाडौं । नेकपा एमाले महाधिवेशनको तयारीमा जुटेको छ । जसका लागि एमालेले कात्तिक १५ गते सचिवालय बैठक बोलाएको छ । बैठकले महाधिवेशन प्रतिनिधि चयनको मोडालिटीसहित व्यवस्थापन र निर्वाचन तालिकाबारे छलफल गर्ने बताइएको छ ।

बुझिएअनुसार यसपटक एमालेले महाधिवेशन प्रतिनिधि घटाउने तयारी गरेको छ । चितवनको सौराहामा सम्पन्न १० औँ महाधिवेशनमा १८ सय प्रतिनिधि थिए भने यसपटक १२ सय हाराहारीमा रहने बुझिएको छ ।