अमेरिका बसेर नेपालमा भ्रम छर्न पल्केका टंक दाहालले मागे माफी, आन्दा गल्ती नदोहोर्याउने वाचा

काठमाडौं । पछिल्लो समय सोसल मिडिया इन्फ्ल्युएन्सरका नाममा समाज भाँड्नेको संख्या बढिरहेको छ । तीमध्येका एक हुन्, अमेरिका बसेर ज्यादै सानो सत्यको जगमा विशाल विशाल भ्रमको खेती गर्ने टंक दाहाल ।

पत्रकारको आवरण उनले विदेश बसेर यतिधेरै भ्रम फैलाएका छन् कि त्यसले नेपाली समाज नै भाँडिरहेको छ । कहिले केपी ओलीको कम्बोडियाको टेलिकममा सेयर रहेको प्रमाण भन्दै फेक डकुमेन्टको व्यापार गर्छन त कहिले जेन जी आन्दोलनमा एम्बुलेन्सभित्रबाट पुलिसले गोली हान्यो भनिदिन्छन् । उनले यसरी भ्रम फैलाउँछन् कि, हुँदै नभएको कुरालाई पनि ठ्याक्कै हो जस्तै गरी भन्ने उनको कला छ ।

त्यहीं कलाले आज नेपाली समाज नराम्ररी भ्रमभित्र रुमल्लिएको छ । उनले छरेको थुप्रै भ्रममध्येको एक हो, जेन जी आन्दोलनमा प्रहरीले एम्बुलेन्सभित्रबाट गोली चलायो भन्ने १ प्रहरीले गोली चलाएको भनिएको भिडिओमै देखिएका एक युवाले दाहालको उक्त दाबी सही नभएको बताए पनि उनले माफीसमेत मागेका छन् । उनले अब आइन्दा त्यस्तो भ्रमपूर्ण सामग्री नपस्कने पनि बताएका छन् ।