ओलीप्रति नरम बन्न थाले गृहमन्त्री अर्याल, भन्छन्– स्टन्ट गरेर हुँदैन, देशको माहोल हेरेर काम गर्छु

काठमाडौं । केही दिनअघिसम्म तत्कालीन प्रधानमन्त्री केपी शर्मा ओलीप्रति अति रुखो ढंगमा प्रस्तुत हुने गरेका गृहमन्त्री ओमप्रकाश अर्याल एकाएक नरम बन्न थालेका छन् । एक टेलिभिजन अन्तरवार्तामा गृहमन्त्री अर्यालले आफू ओलीप्रति नरम हुन बाध्य भएको पनि बताएका छन् ।

हिजो नागरिक हुँदा कडा बोले पनि आज सबैलाई मिलाएर जानुपर्ने बाध्यता भएको उनको भनाइ छ । उनले स्टन्ट गरेर देश नबन्ने भन्दै देशको माहोल हेरेर काम गर्ने प्रतिबद्धता पनि जनाएका छन् ।

पछिल्लो समय गृहमन्त्री अर्यालको कामप्रति काठमाडौंका मेयर बालेन साह पनि असन्तुष्ट भनेको बताइएको छ । बालेनले गृहमन्त्री फेर्न प्रधानमन्त्री सुशीला कार्कीलाई दबाब दिएको समाचार समेत बाहिरिएका छन् ।