गुन्डूमा एमाले सचिवालय बैठक बस्दै

काठमाडौं । नेकपा एमालेको सचिवालय बैठक सुरु भएको छ । शनिबार एमाले अध्यक्ष केपी शर्मा ओली अस्वस्थ भएका कारण रोकिएको बैठक आईतबारबाट सुरू भएको छ।

आजको बैठकमा केही उपमहासचिव र सचिवहरूले धारणा राख्ने कार्यक्रम रहेको छ । शुक्रबारको बैठकमा पार्टी उपाध्यक्ष अष्टलक्ष्मी शाक्यले लिखित रूपमै ओलीको राजीनामा मागेकी थिइन्। यस्तै अन्य नौ पदाधिकारीले पनि ओलीको विकल्प पार्टीमा खोज्नुपर्ने र महाधिवेशनमा जोड दिनुपर्ने तर्क राखेका थिए।

आजको बैठकमा पनि ओलीको विषयमा अन्य नेताहरू कठोर रहने बुझिएको छ । एमाले सचिवालयका एक सदस्यका अनुसार आजको बैठकले नै नेकपा एमालेको महाधिवेशन गर्न दबाब दिने बताइएको छ।