आन्दोलनमा बर्दी जलेपछि सिभिल ड्रेसमै सुरक्षाकर्मीको ड्युटी, खुट्टामा जुत्तासमेत छैन

काठमाडौं । जेन जी आन्दोनका क्रममा बर्दी जलेपछि सुरक्षाकर्मीहरुले सिभिल ड्रेसमै ड्युटी थालेका छन् । यतिसम्म कि, उनीहरुको खुट्टामा जुत्तासमेत छैन । भदौ २३ र २४ गतेको जेनजी आन्दोलनमा देशभरिका अधिकांश प्रहरी कार्यालयमा तोडफोड, आगजनी र लुटपाट मच्चाइएको थियो ।

उपत्यकाका अधिकांश प्रहरी कार्यालय खण्डहर बनेका छन् । उपत्यकाको महाराजगन्ज र कोटेश्वर प्रहरी वृत्तमा गरी ३ जना प्रहरीहरूले ज्यानसमेत गुमाएका छन् ।