काठमाडौं । अविरल वर्षासँगै आएको बाढी, पहिरो र डुबानमा परी अहिलेसम्म देशभर १५ जनाको मृत्यु भएको छ भने तीन जना बेपत्ता छन् ।
शुक्रबार रातिदेखिको अविरल वर्षापछि आएको बाढी पहिरोलगायतका विपद्जन्य घटनामा परेर १८ जना घाइते भएको प्रहरीले जनाएको छ ।
प्रहरीका अनुसार काठमाडौँमा एक, स्याङ्जामा तीन, पर्वतमा दुई, उदयपुरमा एक, काभ्रेपलाञ्चोकमा दुई, पाल्पामा एक, तनहुँमा तीन तथा दाङमा २ जना गरी १५ जनाको मृत्यु भएको हो ।
त्यस्तै हालसम्म तनहुँमा पाँच जना, गुल्मीमा एक जना, ओखलढुङ्गामा दुई जना, काठमाडौँमा तीन जना, चितवनमा एक जना तथा स्याङ्जामा छ जना गरी १८ जना घाइते भएको प्रहरी प्रधान कार्यालयले जनाएको छ ।
