भ्रष्टाचार छानबिन आयोग बनाउन दलहरु सहमत नभएपछि सरकार निर्माण प्रक्रिया नै अलमलियो

काठमाडौं । जेनजी आन्दोलनकारीहरूको मागबमोजिम पूर्वप्रधान न्यायाधीश सुशीला कार्कीलाई अन्तरिम प्रधानमन्त्री बनाउन राष्ट्रपति रामचन्द्र पौडेल र प्रमुख दलका नेताहरू पनि सहमत भए पनि भ्रष्टाचार आन्दोलनमा भएको दमनबिरुद्ध उच्चस्तरीय छानबिन गर्न नेताहरू असहमत भएपछि अन्तरिम सरकार निर्माण प्रक्रियामा अवरोध उत्पन्न भएको छ।

दलहरूले उच्चस्तरीय छानबिन आयोगका कारण जनतामा दलहरूबिरुद्ध आक्रोश निम्त्याउने भएकाले गठन गर्न अस्वीकार गरेको बताइएको छ । दलहरूले यो विषय अस्वीकार गरेपछि वार्तास्थलबाट उठेर हिँड्दै प्रस्तावित प्रधानमन्त्री कार्कीले भनिन्, ‘हातखुट्टा बाँधेर काम गर्न नपाउने जिम्मेवारी चाहिएन।’