रुपेन्देही– ३ मा कांग्रेस, एमाले र माओवादीले कसलाई उठाउँदैछन् उम्मेदवार ?

काठमाडौं । रुपन्देही– ३ मा कात्तिक १७ गते हुने उपनिर्वाचनमा कुन दलले कसलाई उम्मेदवार बनाउँछ भन्नेमा धेरैको चासो छ । रास्वपाले लेखजंग थापालाई उम्मेदवार बनाएर चुनाव माहोल तताउँदा ठूला भनिएका दलहरुको भने खासै चर्चा छैन ।

यद्यपि उनीहरुले पनि उम्मेदवार छनोटको प्रयास गरिरहेका छन् । यहाँ एमोलेले उम्मेदवारका लागि चार जनाको नाम सिफारिस गरेको छ । एमालेले पोलिटब्युरो सदस्य खिमलाल भट्टराई, व्यवसायी शशि पौडेल, सिद्धार्थनगर नगरपालिकाका पूर्व नगरप्रमुख (मेयर) तथा एमाले लुम्बिनी प्रदेश सदस्य हरिप्रसाद अधिकारी र नेता यज्ञजित शाहको नाम सिफारिस गरेको हो ।

त्यस्तै माओवादी र कांग्रेसले पनि कसलाई उम्मेदवार बनाउने भन्ने टुंगो लगाउन सकेको छैन । यहाँ कांग्रेसबाट बालकृष्ण खाँणसँगै रामचन्द्र ढकाल, सुशील गुरुङ, रमेश खनालको नाम चर्चामा छ ।