लेखजंगविरुद्ध कान्छी श्रीमतीको उजुरीः घरबाट निकालेको र खानसमेत नदिएको आरोप

काठमाडौं । रास्वपाका उम्मेदवार लेखजंग थापाविरुद्ध कान्छी श्रीमतीले घरबाट निकालेको, मानसिक यातना दिएको र खानसमेत नदिएको भन्दै उजुरी दिएको खुलेको छ । डा. थापाविरूद्ध उनकी कान्छी पत्नी नुमा शर्माले उजुरी दर्ता गरेको खुलेको हो ।

उजुरीपछि नुमा र थापाबीच मिलापत्र भएको थियो । अदालतमा दर्ता गरेको मुद्दानुसार उनीहरूबीच २०७० सालमा विवाह भएको र २०७१ असोज १९ गते छोराको जन्म भएको उल्लेख छ ।

थापाकी पत्नी नुमाले दायर गरेको मुद्दामा २०७९ साल पुस २० गते आफूलाई खान–लगाउन केही पनि नदिई शारीरिक र मानसिक यातनासमेत दिई घरबाट निकालेको उल्लेख छ ।