श्रीमानको मृत्युको खबर सुनेको ३ दिनमै श्रीमतीको पनि ज्यान गयो

काठमाडौं । धनकुटाको एक परिवार यतिबेला शोकमा डुबेको छ । महालक्ष्मी नगरपालिका–१ कटहरे, सिप्रिङका तीन छोरीहरुले बा गुमाएको तीन दिनमै आमालाई पनि गुमाएका छन् ।

सिप्रिङ गाउँका ४२ वर्षीय डम्बरबहादुर मगरको वैदेशिक रोजगारीको सिलसिलामा कुवेतमा रहेका बेला गत भदौ ३ गते मृत्यु भएको हो । डम्बरबहादुरको मृत्यु भएको खबर पाएको तीन दिन नबित्दै भदौ ७ गते उनकी श्रीमती विद्या मगरको पनि मृत्यु भएको हो ।

एकसाथ अभिभावक गुमाएपछि उनीहरुका तीन छोरी अहिले बेसहरा बनेका छन् ।