अमेरिकाबाट डिपोर्ट भएका रवि लामिछानेका विश्वासपात्र मोहन थापालाई प्रहरीले हस्ताक्षर गराएर घर पठायो

काठमाडौं । अमेरिकाद्वारा देश निकाला गरिएका राष्ट्रिय स्वतन्त्र पार्टी (रास्वपा) का केन्द्रीय सदस्य मोहनबहादुर थापा काठमाडौं आइपुगेका छन् । थापा अघिल्लो बिहिबार एयर इन्डियाको उडान नम्बर एआई २११ बाट नयाँ दिल्ली हुँदै त्रिभुवन अन्तर्राष्ट्रिय विमानस्थलमा ओर्लनासाथ अध्यागमन कार्यालयले प्रहरीको मानव बेचविखन अनुसन्धान ब्युरोको जिम्मा लगाएको थियो ।

तर ब्युरोले लगत्तै कागज गराएर छाडेको बताइएको छ । लामिछानेसहित आफूमाथि सम्पत्ति शुद्धीकरणमा अनुसन्धान थालिएपछि थापा अमेरिका गएका थिए । थापालाई रवि लामिछानेको अर्थ सहयोगीका रुपमा लिने गरिन्छ ।