मनोहराको सुकुम्बासी बस्तीमा पनि चल्यो बालेनको डोजर

काठमाडौं । काठमाडौं महानगरले भक्तपुरको सीमानामा पर्ने मनोहरामा रहेको सुकुम्बासी बस्तीमा बनेका घरहरु पनि भत्काउन थालेको छ । सुकुम्बासी बस्तीमा बनेका घरहरु भत्काउन नगरप्रहरी प्रमुख राजु पाण्डेसहितको टोली मनोहरा पुगेको हो । नगरप्रहरीले खोला किनारमा बसेका सुकुम्बबासीहरुको घर टहरामा डोजर चलाएको हो । नगर प्रहरीले बस्तीमा जबरजस्त डोजर चलाएपछि स्थानीय आक्रोशित भएका छन् । आक्रोशित स्थानीयले प्रहरीमाथि ढुंगामुडासमेत प्रहार गरेका छन् । त्यसपछि सुरक्षाका लागि नेपाल प्रहरीको टोली पनि त्यहीं गएको छ ।