हमासको हमलापछि बेपत्ता विपिन जोशी खोज्न आमा र बहिनी पनि गए इजरायल

काठमाडौं । हमासले बन्धक बनाएका कञ्चनपुरका विपिन जोशीको रिहाइका लागि अन्तर्राष्ट्रिय दबाब बढाउन उनकी आमा पद्मा जोशी र बहिनी पुष्पा जोशी इजरायल गएका छन् ।

उनीहरु फ्लाइ दुबईको विमानमार्फत त्रिभुवन अन्तर्राष्ट्रिय विमानस्थलबाट इजरायलतर्फ जाँदै गर्दा निकै भावुक भएका थिए । उनीहरुका आँखा आँशुले भरिएका थिए भने वरपरका अरु मानिसको अनुहार पनि मलिन देखिन्थ्यो ।

विपिन जोशी ‘सिक्दै कमाउँदै’ कार्यक्रमअन्तर्गत इजरायल पुगेका थिए । २०८० असोज २० गतेदेखि उनी सम्पर्कविहिन छन् ।