रास्वपा र राप्रपाको संसदमा विरोध : भिजिट भिसा प्रकरणमा छानबिन समिति गठनको माग

काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) का सांसदहरूले मंगलबार पनि संसदमा आफ्नो विरोध जारी राखेका छन्। उनीहरूले गृहमन्त्री रमेश लेखकसँग जोडिएको भिजिट भिसा प्रकरणमा संसदीय विशेष छानबिन वा उच्चस्तरीय न्यायिक छानबिन नगरेको भन्दै आवाज उठाइरहेका छन्।

जेठ १३ गतेदेखि यी दलहरूले संसदमा विरोध जनाउँदै बैठक बहिष्कार गरेका छन्। मंगलबारको बैठक पछि रास्वपा सांसद विराजभक्त श्रेष्ठले भिजिट भिसा प्रकरणमा छानबिन समिति गठन नभएसम्म विरोध जारी राख्ने बताएका छन्।

राप्रपाका दीपक सिंहले पनि सरकार र संसदलाई गम्भीर नहुनु दुखद रहेको बताए । उनलेछानबिन समिति गठन नभएसम्म संसदमा विरोध जारी राख्ने र भत्ता नलिने बताएका छन्।