सफारी चालक रिनालाई हर्क साम्पाङका समर्थकको अन्धाधुन्द गाली बेइज्जती

काठमाडौं । सिटी सफारी चालक रिना लामाले हर्क साम्पाङका समर्थकविरुद्ध प्रहरीमा उजुरी दिएकी छिन् । सिटी सफारीको कर छुट माग गर्दै धरानका मेयर हर्क साम्पाङको कार्यकक्षमा पुगेकी सफारी चालक रिना लामालाई मेयरका समर्थकले सामाजिक सञ्जालमा गाली बेइज्जती गरेका थिए ।

उनले त्यसविरुद्ध प्रहरीमा उजुरी दिएकी हुन् । रिनाले आफूविरुद्ध फेसबुकमा गाली बेइज्जती गर्नेहरूलाई साइबर अपराधमा कारबाहीको माग गर्दै इलाका प्रहरी कार्यालय धरानमा उजुरी दिएकी हुन् ।

उनले कुमारी राई, सविन राई, सोम थापा, केबी गुरुङ र जीवन लामालगायत ११ जनाविरुद्ध उजुरी दिएकी हुन् ।