एमालेले निषेध गरेपछि विकल्प खोज्दै विद्या भण्डारी

काठमाडौं । एमालेले निषेध गरेपछि पूर्वराष्ट्रपति विद्या भण्डारीले के गर्छिन् भन्ने चासो बढेको छ । सक्रिय राजनीतिमा फर्कने घोषणा गरिसकेकी उनीसामू धेरै विकल्प छैनन् ।

एउटा विकल्प हो– एमालेको सदस्यता नवीकरणका लागि संघर्ष गर्ने । दोस्रो– अदालतबाट कानूनी उपचार खोज्ने, तेस्रो– पार्टी फुटाउने र चौथो– रवि, बालेन, हर्कलगायत वैकल्पिक शक्तिको अभिभावक बन्ने ।

यीमध्ये अहिले वैकल्पिक शक्तिको अभिभावक बन्ने चर्चाले बजार पिटेको छ । केही दिनअघि बालेनले भण्डारीसँग भेटेका कारण पनि यो चर्चाले धेरै स्पेस पाएको हो ।