फेरि बल्झियो उपसभामुखमाथि लागेको मानव तस्करीको आरोप

काठमाडौं । प्रतिनिधि सभाकी उपसभामुख इन्दिरा रानालाई कारबाही गर्न सत्तारूढ दल नेपाली–कांग्रेस र नेकपा एमालेले फेरि गृहकार्य सुरु गरेको बुझिएको छ ।

मानव तस्करी गरेको आरोपमा रानामाथि कारबाही प्रक्रिया अगाडि बढाउने तयारी भएको बुझिएको हो । रास्वपाबाट उपसभामुख निर्वाचित भएकी रानाले केही व्यक्तिलाई अमेरिका पठाउन भिसा सहजीकरणका लागि लेखेको पत्रका आधारमा कारबाहीको तयारी भएको हो ।

२०८१ साउन महिनामा सत्ता समीकरण फेरबदल भएलगत्तै रानामाथि कारबाही गर्ने तयारी भइरहेको थियो ।