कुलमानले नक्कली नाफा देखाएकोप्रति महालेखापरीक्षक कार्यालयको आपत्ति

काठमाडौं । नेपाल विद्युत् प्राधिकरणको नाफा देखाउने शैलीमाथि महालेखा परीक्षकको कार्यालयले कडा आपत्ति जनाएको छ ।

पूर्वकार्यकारी निर्देशक कुलमान घिसिङले प्राधिकरणको इतिहासकै उच्च नाफाको दाबी गरे पनि महालेखाले त्यसलाई ‘कागजी नाफा’ भन्दै खारेज गर्ने प्रयास गरेको छ । महालेखाको प्रतिवेदन अनुसार प्राधिकरणले पुँजीगत खर्चमा जानुपर्ने सम्पत्तिलाई ‘निर्माणाधीन’ भनेर देखाई ह्रास खर्च घटाइएको छ भने विद्युत् नियमन आयोगलाई तिर्नुपर्ने करोडौंको सेवा शुल्कलाई बेवास्ता गरेको छ ।

प्रतिवेदनमा उठ्न बाँकी जरिवाना र डेडिकेटेड तथा ट्रंक लाइन महसुललाई समेत नाफामा जोडिएको उल्लेख छ । त्यसैले प्राधिकरणले देखाएको नाफा यथार्थपरक नभएको भन्दै महालेखाले प्रश्न उठाएको हो ।