सत्ता गठबन्धनमा गडबड: शेखरको आड पाएपछि प्रचण्ड हौसिए, एमाले निराश

काठमाडौं । अहिले कांग्रेस र एमालेबीचको सत्ता गठबन्धन संकटमा परेको चर्चा चुलिएको छ ।

सत्तारुढ दल कांग्रेसका कतिपय नेताहरु सरकारको कार्यशैलीलाई लिएर असन्तुष्ट हुन थालेपछि केपी ओली सरकार सकसमा परेको हो । गठबन्धनभित्र विश्वासको खडेरी पर्दै गएपछि प्रधानमन्त्री ओलीले उच्चस्तरीय राजनीतिक संयन्त्रको बैठक समेत बोलाएका छन् ।

पछिल्ला केही राजनीतिक परिघटनाका कारणले गठबन्धन भित्र हलचल पैदा भएकाले जुनसुकै बेला पनि विस्फोट हुन सक्ने आकंलन गरिएकोे छ । खासगरी कांग्रेसको संस्थापनइतर समूहका नेताको आड पाएपछि प्रतिपक्षी दल माओवादी केन्द्रका अध्यक्ष प्रचण्ड जसरी पनि सरकार ढाल्ने खेलमा लागेका छन् । जसले एमालेलाई निराश बनाएको छ ।